Kreu i Partisë Demokratike të Kosovës (PDK), Kadri Veseli ka vizituar komunën e Mamushës.

Gjatë kësaj vizite, Veseli ka takuar kreun e kësaj komune si dhe kreun e komunës së Suharekës.

Përmes një njoftimi në Facebook, Veseli ka thënë se  është  interesuar për gjendjen e banorëve gjatë pandemisë por edhe për dëmet e shkaktuara prej breshëritë.

“U interesova për gjendjen e banorëve gjatë pandemisë por edhe për dëmet e shkaktuara prej breshëritë. Administratat e komunave kanë mbajtur një barrë të madhe të peshës në luftën kundër koronavirusit dhe kanë treguar përkushtim të jashtëzakonshëm”, ka shkruar Veseli./arbresh.info

Postimi i plotë:

Dje vizitova komunën e Mamushës, ku u takova me kryetarin e kësaj komune Abdylhadi Krasniqi por edhe me kryetarin e komunës fqinje të Suharekës, Bali Muharremaj.

U interesova për gjendjen e banorëve gjatë pandemisë por edhe për dëmet e shkaktuara prej breshëritë. Administratat e komunave kanë mbajtur një barrë të madhe të peshës në luftën kundër koronavirusit dhe kanë treguar përkushtim të jashtëzakonshëm.

21 maji është Dita Botërore e Diversitetit Kulturore, që ka rëndësi të madhe për Kosovën e cila ka arsye të krenohet me harmoninë dhe bashkëjetesën ndër-fetare e ndër-etnike. Me këtë rast shpreh respekt të veçantë për komunitetin turk i cili jep një kontribut të çmuar në konsolidimin dhe zhvillimin e shtetit tonë dhe shërben si urë e fortë lidhëse me shtetin mik të Turqisë.